So Dem Tull

So∙Dem∙Tull doun a toun en walken ‘lorng Kwaliti Row mutteren unda hes breath. He muusa fli doun wen hi bump entu hes maet MyseTent Sebuss.

“Wuthen rorng myse maet?”

“Yu no dem salan uptoun bin putt nu loks een orl dem plais doun ya?”

“No. Fuut dem duen dar?”

“Waal dem mus be ‘fraid orl dem lokel gwen tek o’er dem biildens gen, so dem bin bi new loks en putt et orn.”

“Es truu. En how muj et kors?”

“Kors $600 eaj lok dem putt een.”

“Waa? Dars a lot o munni.”

“Shor es.”

“Mebbe es guud theng dem sey lok up dem plais, so salan nor go een ef dem meana du daffi.”

“Yu mait bi thort dar, but dem nor gut wun marsta kii kos dem ne’er thenk orn et till afta dem sey dun. Dars luuken orn dar biig piktya, unai?”

“Shorli yu stolleyen myse maet?!”

“Es truu ess da bible, darlen, so dem tull!”