So Dem Tull

So∙Dem∙Tull goh entu dar RSL dar tada nait en hi sii Yu Entyah.

“Miwurd myse mowth sey mumma.”

“Yu bin work up a thirst myse maet?”

“I thenk I kumen doun longf’ sumtheng.”

“Wuthen yu bin du dis dae?”

“I bin mask up myse truk f’ paynt.”

“Ah waal, dars d’ prohblim. Yu noh yu yusa do et weth yuse tung hangen owt. Dars fuut yuse mowth se dri.”

“Unai, I forgit dar. Trewly, myse haid nor orn strayt dis dae.”

“Wuthen gwen orn myse maet?”

“Sum taim I feel as ef I o’er d’ wai en nort een myse ailen home!”

“Waa? Dar kar bi truu, So! Fuut dar?”

“Waal o’er d’ wai dem pai dems wurkas f’ driw roun a toun orn dem skuta en ‘ byk, so dem el drum up biznis, en I bin sii auwas kownsel starf doen just dar.”

“Noh?! Yu stollyen mi?”

“Es truu, en den dairs dar bloomen karpark. Ooni o’er d’ wai dem gwen mek a kar-du karpark kuld bi se fet 100 kar, en putt een so muj garden en ‘ konkreet, yu el ooni fit 50.”

“Truwly dem kar du. I se tikel f’ dar name do. Kardu Karpark. Sown laik a winna tu mi.”

“Es truu ess da bible, so dem tull!”