So Dem Tull

So∙Dem∙Tull watjen dem letl salan playen et d’ park.

Mait∙bii set doun lorngsiid hem.

“Trewly, es gud un f’ sii dem letl salan runnen ‘bout en hawen wun guud taim.”

“Es truu. Wuthen yu bin up to Mait∙bii?”

“Oh, yu no, I bin luuk f’ wun jorb. I kaa fine wun I laik.”

“I bin ya gut wun vakanci een tourism.”

“Oh no, dar ent truu. Dem nor gwen advatais et ulla replais dar gael se gorn.”

“Yu shor? Turesm es auwas bas resorse. Kaa du wi nor gut a turus.”

“Waal, I bin ya dem kut bak orn advataisen Norf’k d’ pars yair. Dem tures besness gut no funds f’ avatais thru UTC.”

“Da kaa bi es truu shorly.”

“Es truu theng, So.”

“Waal dars wun stait o’ afairs, nort? Wuthen dar tada gael doen?”

“Shi gwen manaj wun real estait besness.”

“Waal, shi el wurk hard en I no shi nor gwen lai doun orn d’ jorb.”

“O dear So, trewly, yu es kussed”

““Ess truu ess da bible…so dem tull!”