So Dem Tull

So∙Dem∙Tull owt en abowt doun-a-toun. Hi set doun on wun rok en Slaughter Bay. His maet Heppi kum up from dem water en sii hem luuken owt tu sea.

“Heppi, myse maet. Yu luuk semes yu walk orna lep.”

“I feelen doun dis dai. Yu nor gwen b’leew wuthen I bin ya.”

“Mus bi es bad nuus.”

“Waal, yu no daa shep kumen ya suun?”

“This wiiken nort?”

“Yes, gwen bi d’ lars wun aklans salan gwen du d’ wai wii bin du et for o’er 150 yair.”

“Wuthen yu torken bout So?”

“Gwen bi d’ lars taim wii gut a shep.”

“O, du wurri, wii gwen gut ‘ barj. Dem el work orn dem.”

“No, dem nor gwen. Wen dem barjes kum, dem brengen dems own wurkers en ekwipmint. Gwen bi d’ lars taim aklan gut a tradishinal wai f unload ‘ shep.”

“Heppi. So yu tullen mii dem gwen du et en nor yuse eni o’ aklan? Yu thort es truu theng?”

“Ess truu ess da bible…so dem tull!”