So Dem Tull #17

So∙Dem∙Tull en his tintoela watchen dems letl sala playen touch dar tada dai.

“Wuthen hapenen owt dar ole post orfice lars wiik? I bin sii plenti salan worken, but I kaa huus sum o dem”

“Waal dar kownsil bin order sum flat pak furniture f’ dems orfices. Truly dem kaa du!”

“Wuthen yu mean?”

“Waal dem bin fly een three salan f’ putt dem theng aggeda. Wat a wayst o’ munny. F’ wun kownsil hu tull dem gut no munny, dem shor no how f’ spend et.”

“Unay. En plenti salan liwen ya bin putt a flat pak aggeda so dem nor niid f’ fly dem salan een.”

“I ooni wesh es wun jok.”

“Ess true ess da bible…so dem tull!”