So Dem Tull #16

So∙Dem∙Tull en his maets playen sqwash dar tada nait.

“Miword, I gut plenti f’ tull yorlye dis nait. Trouble es I kaa wisyd f’ start. Truly, myse haid spinnen, gut so muj rowlen roun ensaid.”

“Waal, du stop dere, tull orl aklan wuthen gwen orn.”

“Yorlye bin ya bout dem admin veyikl? Dem fly-een kownsil wurka bin yuse dem as pryvat kaa, en yu no wuthen gwen happen ef es aklan doin dar…wi gwen get d’ boot.”

“Es truu, dem veyikl nor bin allowed f’ go owt en abowt wen wi nor wurken, dars f’ shuur.”

“Waal wun o’ aklan’s gael tull orf orl dem workas doun Emily Baey f’ yusen dem wurk veyikl owt o’ work taim. I tulla yorlye, I shur glaed shi orn awa’s siid, cos shi es wun fiya-kraka.”

“Wuthen happen next?”

“Waal, tun owt dem en charj sey jes chanj orl dem numba plaet o’er tu dem yella wun, so nobody el tull ef dem es kownsil veyikl enymor. Dars wun wai f’ solv a problem, waa?”

“Unay. Kiip dem lokels en ‘ dark waa?”

“Ess true ess da bible…so dem tull!”