So Dem Tull #15

So∙Dem∙Tull owt en abowt dar tada dai.

“I bin tu plenti miitin dis wiik. I see futuu.”

“Es tru, I bin run frum wun sayd tu nada orl wiik”

“Unay. Es feest ulla famiin. Yu go tu dar wun at Rawson dar tada nait?”

“Indiid I did. I gwen onni pey myse raets simis lars year. I nor agree longf’ dem nyu wais manajmint charges.”

“Waal, I bin ya yu hat f’ putt orn ar paymint, wuthen yu wunt it f’ bii applyd tu.”

“Wuthen yu mean?”

“Waal, no nyus yu pey or bank it, ef yu nort larna dem wisiid f’ putt et. Sum salan tri f’ onni pey dems raets lars year en dem was tol dem’s muny gwen bii applyd tu dem wais manajmint charges fuss.”

“Waa? Dem el du dar?”

“So I bin ya. Best yu rait doun wuthen youse paymint es for, so dem no yu onni payen f’ dem raet gcharjes simis lars year. Do leaw et f’ charns. Ef yu nor larna dem, dey gwen putt et wisside dem wunt.”

“Oh truly, wuthen next?! I el go rait myse note dis dai, onni kos yu sey warn mii.”

“Waal, ess true ess da bible…so dem tull!”