SDT - F.P.O.E

So∙Dem∙Tull hawen wun cuppa en torken lorng f’ his maet, Gutta Muun.

“Yu ewa ya bowt dar plais called F.P.O.E?”

“Es et tu du with dem pohlis mein?”

“No, nort. Es siid dem tek orl dem theng niid luuken orn f’ pest control. Es korld Fuss Poynt O’ Entrii.”

“Wuthen hapinen dayr, So?”

“Waal, semes a theng, dem sey desiid nor niid kliinen tuu regyula en du et ooni sumtaim.”

“Waa?! Dar kaa du, gut orl dem germy theng en bugs wi nor wunt.”

“Yu mait bi el thort dar, but trewly dem orlreddi bin driw et up frum Kaskaid. Yu nor thort dem bug gwen drorp orf ‘ lornga wai? But at least wi get dem wun se hang orn….but ooni ef wi kliin et”

“Unai es truu ess da bible, So Dem Tull!”

“Watj et brud, dars myse wurds!”